අනුරාධපුර දිස්ත්‍රික් කෘෂි සංවර්ධන ක්‍රියාකාරී කමිටුව අද රැස්විය. ඉදිරියේ යම් ආකාරයක ආහාර හිඟතාවක් ඇතිවුව හොත් ඊට මුහුණු දීම සඳහා අහාර බෝග වගා ව්‍යාප්තිය වැඩිදියුණු කරන ආකාරය පිලිබදව මෙහීදි සාකච්ඡා කලා. කමිටුව රැස් වූයේ , උතුරු මැද පළාත් ආණ්ඩුකාර මහීපාල හේරත් මහතාගේ ත් , දිස්ත්‍රික් මහ දිසාපති තුමා හා පළාත් ප්‍රධාන ලේකම්තුමාගේ ප්‍රධානත්වයෙනි. “සෞභාග්‍යා,, ගෙවතු වගා වැඩසටහන පිළිබඳවත් මීට අමතරව යල කන්නයේ වගා කටයුතු පිලිබඳවත් මෙහිදී දීර්ගව කරුණු සාකච්ඡා විය. 
රාජාංගන ව්‍යාපාරයේ වගා කටයුතු මේ වන විට සම්පූර්ණයෙන්ම අරඹා තිබේ. වී වෙනුවට අතිරේක බෝග වගාවට විශේෂ අවධානයක් ලබා දී ඇත. එමෙන්ම පදවිය , හුරුළුවැව , විලච්චිය , මහකනදරාව වැනි ‍කෘෂි ව්‍යාපාර වලට සියයට පනහක පමණ ප්‍රතිශතයකට මෙවර යල කන්නයේ දී අතිරේක බෝක වගාව සඳහා අවධානය යොමුකර තිබේ. එමෙන්ම මහවැලි ව්‍යාපාරය යල කන්නයේ වගාවන් වල දී 80 % ක ප්‍රතිශතයකින් අතිරේක බෝග වගා කෙරේ. ආයනයනය කරමින් තිබූ විවිධ ආහාර වර්ග වෙනුවට විකල්ප බෝග වගා කිරීම මෙහි ප්‍රධාන අරමුණයි. ඒ අනුව කව්පි , මුං , තල , වැනි ධාන්‍ය වර්ගත් , කහ , ඉඟුරු වැනි බෝග වර්ගත් , මිරිස් සහ අනෙකුත් එළවළු වර්ගත් වගා කිරීමට අපේක්ෂා කරයි. ඊට අමතරව තල , උඳු වැනි බෝග කෙරෙහි ද අවධානය යොමුකර ඇත. 
පලාත් කෘෂිකර්ම දෙපාර්තමනේතුව යටතේ ගෙවතු 3000 ක් ආරම්භ කිරීමට සැලසුම් කර තිබේ. ග්‍රාම සංවර්ධන දෙපාර්තමෙන්තුව ද ගෙවතු 3000ක් ආරම්භ කිරීමට අපේක්ෂා කරයි. 
මෙහිදී අදහස් දැක්වූ ආණ්ඩුකාර වරයා සඳහන් කළේ , කොරෝනා උවදුර මැඩීමට වෙහෙසෙනවා මෙන්ම කෘෂීකාර්මාන්තය පෙරට වඩා ඉහළ නැන්වීමට දැන් සටන් වැදිය යුතු බවයි. විශේෂයෙන්ම අනුරාධපුරයෙන් ආහාර නිෂ්පාදනයේ වැඩි ධාරිතාවක් රටම බලාපොරොත්තු වන බව ද එතුමා සඳහන් කළේ ය. මෙම කමිටුවල ගන්නා තීන්දු එලෙසම ක්‍රියාත්මක විය යුතු බවත් , මේ අවස්ථාවේ දී එය සෑම නිලධාරියෙකුගේම භාරදූර වගකීමක් බවත් ආණ්ඩුකාරවරයා වැඩිදුරටත් සඳහන් කළා. 
ක්‍රියාකාරී සැලැස්මක් ඔස්සේ මෙම වගා කටයුතු අඛණ්ඩව සිදුකිරීමට බිම් මට්ටමේ සිට සියලු නිලධාරීන් දැනුවත් කර ඇති බව දිසාපති ආර්.එම්. වන්නිනායක මහතා කමිටුව හමුවේ කියා සිටියා .ඒ අනුව මෙම වගාවන් සම්බන්ධ ප්‍රගතිය සති පතා සමාලෝචනය කෙරෙනු ඇති. 
ගොවී කටයුතු වල නිරතවන පිරිස් ගම් මට්ටමේ සිටින නිසා ඔවුන්ට අපහසුවකින් තොරව තම ගොවි බිම් වෙත යාමටත් , කෘෂි රසායන මිල දී ගැනීමටත් අවශ්‍ය ඉඩකඩ සුදුසු පරිදි ලබා දීමට අපේක්ෂා කරන අතර ඒ පිළිබදව පොලීසි දැනුවත් කිරීමට ද නියමිතයි. එමෙන්ම ඇඳිරිනීති සමයේ වුවද කෘෂි රසායන , කෘෂි උපකරණ අලෙවි සැල් මගින් එම අවශ්‍යතා සපුරා ගැනීමට අවශ්‍ය සහන ගොවීන්ට වෙත ලබාදීමට ද සැලසුම් කෙරේ.

92458720 228440438272104 8967063124662288384 o

    කොරෝනා වෛරසය හේතුවෙන් ආර්ථික අපහසුතා ඇති ජනතාවට සහන සැලසීමට රජය තීරණය කළේ ය. ඒ අනුව සමෘද්ධි අමාත්‍යංශය යටතේ අංශ කිහිපයකින් ජනතාව වෙත මුල්‍ය පහසුකම් ලබාදීමට ක්‍රියා කෙරිණි. සමෘද්ධි ලාභීන්ට , සමෘද්ධී බලාපොරොත්තුවෙන් සිටි අයට මෙන්ම ජීවනෝපාය අහිමි වූ පවුල් සඳහා ද මෙහිදී මුදල් ලබා දීම සිදු කළේ ය. මේ වන විට එම අංශ තුන යටතේම අනුරාධපුර දිස්ත්‍රික්කයේ පවුල් 176761 කට රුපියල් 5000 සේ දීමනාව ලබා දී ඇතැයි , දිස්ත්‍රික් සමෘද්ධි අධ්‍යක්ෂ අනුරාධ දිසානායක මහතා සඳහන් කරයි. තවත් සුළු පවුල් සංඛ්‍යාවකට මුදල් ලබා දීමට ද තිබේ. දැනට පවුල් අතර බෙදා දුන් මුළු මුදල අසූ අට කෝටි හතලිස් එක් ලක්ෂ අනු දෙදහසකි. 


     ඒ අනුව සමෘද්ධි ලාභීන් ඇතුළු පවුල් 76993 ක් සඳහා සහන පියවර හා අරුණළු සහන ක්‍රම යටතේ රුපියල් තිස් අට කෝටි හතලිස් නව ලක්ෂ හතලිස් හත්දහසක මුදලක් බෙදා දී තිබේ. සමෘද්ධි පොරොත්තු ලේඛනයේ සිටි තවත් පවුල් 43692 ක් වෙත ලබාදුන් මුදල විසි එක් කෝටි අසූ අට ලක්ෂ හැටපන්දහසක්. මීට අමතරව ජීවනෝපාය අහිමි පවුල් ලෙස පවුල් 69164 ක් අනුරාධපුර දිස්ත්‍රික්කයෙන් හඳුනාගෙන ඇති අතර එයින් මේ වන විට පවුල් 56076 කට 5000 සේ දීමනාව ලබා දී තිබේ. එය ප්‍රතිශතයක් වශයෙන් 81% කි. ඒ අනුව ජීවනෝපායයන් අහිමි පවුල් සඳහා ලබා දුන් මුදල විසි අට කෝටි තුන්ලක්ෂ අසූදහසකි. ඉතිරි පවුල් සඳහා ද මුදල් ලබා දීම මේ වන විටත් සිදුවේ. 


    මෙම දිමනාව ලැබීමට සුදුසු තවත් අය සිටී නම් එම පවුල් වලට අභියාචනා ඉදිරිපත් කළ හැකියි. එම පවුල් වල අභියාචනා සලකා ග්‍රාමීය කමිටුවල නිර්දේශ හා ප්‍රාදේශීය ලේකම්වරයාගේ අනුමැතිය ඇතිනම් ඔවුන්ට ද මෙම පන්දහසේ දීමනාව ලබා දීමට කටයුුතු කළ හැකි බව දිස්ත්‍රික් අධ්‍යක්ෂවරයා කි ය. එමෙන්ම විදෙස්ගතව අසරණභාවයට පත්ව සිටින පිරිස් වලට ද ඒ බව තහවුරු කරන්නේ නම් පන්දහසේ දීමනා ලබාගැනීමට හැකියාව තිබේ. රුපියල් පන්දහසට අඩු මාසික විශ්‍රාම වැටුපක් ලබන පිරිස් , අප්‍රේල් මාසයේ දී රුපියල් 5000 ට අඩු වැටුපක් ලද පිරිස් අදීන් ද සිටී නම් ඔවුන්ට ද එම පන්දහසට අඩු මුදල ලබා ගැනීමට අවස්ථාව තිබේ.

14

   

12

2

93959437 237145974068217 8512141103498002432 n

94504908 237146004068214 7075799044945084416 n

93796305 237146044068210 6060970024623931392 n

පරිගණක තොරතුරු පද්ධති හරහා ගිනි අවි බලපත් ලබාදීමේ වැඩපිළිවෙළ අනුරධපුර දිස්ත්‍රික් ලේකම් කාර්යාලය මඟින් ආරම්භ කර ඇත. දිස්ත්‍රික් ලේකම් කාර්යාලයේ පරිපාලන නිලධාරී චන්දන වික්‍රමසිංහ මහතාගේ අදහසක් අනුව මෙම දත්ත පද්ධතිය සකස් කර ඇත . එම ක්‍රමයට පළමු බලපත්‍රය ලබාදීම 2020.05.13 වන දින  දිස්ත්‍රික් ලේකම් ආර්. එම් .වන්නිනායක මහතාගේ ප්‍රධානත්වයෙන් සිදු විය. ඒ අනුව මෙම තොරතුරු පද්ධති හරහා ගිනි අවි බලපත් ලබාදීම මඟින් සේවාව කාර්යක්ෂමව සිදුවේ. 

3 1

5

2 1